İrağı islomiyə mığavimət, Ərəbıstonı təsisati hədəf qəte itihomış rəd kardə

Bə Pars Tudey xəbəron əsosi İrağı islomiyə mığavimət, Yəmənı milləti Səudiyə Ərəbıstonı muzdoron iyən vobəstə ğıvvon vədə mıtəmadiyə səbarzətion xoto təbrikış votə və təkidış kardə Ərriyadı həyatiyə təsisaton hədəf qəte həxədə jə itihamon səhih nin.

Bə İRNA nəğli əsosi Pars Tudey xəbəş doə İrağı islomiyə mığavimət qıləy bəyonotədə Yəmənı millətiku bəştə himoyəon dəvomi təkidış kardə.Im qrup ərəbıstonı həyatiyə təsisaton hədəf qəte həxədə bə irağı mığavimətı zid itihamon rəd kardeədə elonış kardə bə irağı mığaviməti zid ım cəhətədə itihamon qıləy şərofəte ki əy idda kardə nimon.İrağı islomiyə mığavimət eyne holədə elonış kardə ki irağı devləti təciliyə hərəkət bə etıborinə sənədon iyən ruşinə təhğiğaton dığğət nıdoə holətədə bə təəccubi bois bə.