İron və Rusiyə mıştərəkə maşin soxtey

İroni ticorət və məədən sənaye vəzorətxonə nəğliyoti muavin de Rusiyə mıştərəkə maşin istehsoliku xəbəş do.

Bə İrna raporti əsos, İroni ticorət və məədən sənaye vəzorətxonə nəğliyoti muavin, Mənuçehre Mənteği bə Moskva 2022 minnə sori avtomobili nımoyeşqoh bərpo bey və İronıjə maşinon soxtə şirkəton iştiroki işorəş karde iyən votışe: mıştərək istehsoli baxşədə təyin bıə ki məhsuloni bənə "Ll 90" ki har 2 qılə kişvərədə istehsol bıdə be və İron iyən Rusiyə çəy istehsolədə 50 faiz ıştən çı baxşon və təchizoti təmin kardey bəznın, tojədən bəji bıbu.

Mənteği ijən votışe: ım maşini mıhərrik İron və Rusiyə ixtiyorədə ni, çən AC 5 ya həmonə TU5+ bəvədə istifodə bəbe..

İroni ticorət və məədən sənaye vəzorətxonə nəğliyoti muavin ijən bəyonış karde: de Rusiyə təvafuğədə təyin bıə ki əlovə bə ım kişvər komil surəti maşin ixrac karde, Rusiyədə Tara nomo bıə maşini istehsol xətt həm icod bıbu, əv ijən təsdiğış karde: vey rə de İron və Rusiyə mıştərəkə həmkoətion soxtə bıə maşin həm bə istismor bərəse.

İron və Rusiyə 2tərfiyə baxşonədə xususi iğtisodi, hərbi və əmniyyəti və həmçınin məntəğə və beynəlxalğə məsələon barədə bənə de Amerkə unilateralizmi muğavilə əkə tərəfon, stratejik mənafeşon heste ki dəvardə soronədə ım məsələ 2tərəfi nezə həmkoətionədə vey muhimmə amilonku bə hisob omeydə.

İron və Rusiyə həmçınin nat, qaz və qeopelotiya şəroyeti cəhəto, vey barzə zərfiyətonışone, və de yande həmkoəti karde bəznen beynəlxalğ iğtisod və enerji baxşonədə tojə təhəvvolaton mehvər bıbun.