Azərbaycan Respublika ijən canqiku qəp jedə
Azərbaycan Respublika prezident İlham Əliyev ijən Ermənistonış bə tojə canq və ərazi işğol karde təhdidış kardedə, əv ki deştə ailə bə ico bə tərtər səfərış kardə be, de beynəlxalğ ğanuni nəzə dənqəte ijən Ermənistoni ələyh sıxənoni bəyonış kardə.
İlham Əliyev votışe: Ermənion fəğət de Boku şərton ğəbul kardey imkonış bəbe ki Ermənistoni əraziədə rohət jimon bıkon, əv Ermənistonədə oroməti şərti jıqo bəyonış karde ki Erməniston bəbe Ğərəboği bandiyə məntəğə malekiyəti rəsmən çı Azərbaycan Respublika ərazi tərkibədə bızno, Azərbaycan Respublika prezident təhdidış kardə İrəvan bəpe de Boku sulh muğavilə imzo bıko və sərhədədə koon de çəmə nəzə həmohənq əncom bıdə.
Əliyev əlovəş karde: əqə çəmə şərton rəsmi zıney nıbu, əmə həm ım kişvəri ərazi təmamiyyəti ğəbul nibəkamon ki ım məsələ nəticə iyən ağibəti məsuliyət de İrəvani dıvlət bəbe.