Həmas və İraği 1 minə vəzir Seyd İbreym Rəyisi və deəy bə ico bıə heyəti şəhodəti xoto səbəsəloməti mesaj
Həmas həm de ıştə səbəsəloməti və de İroni Yolə Rəhbəri iyən İroni milət və devlət ıştə nığılə vəhdəti ibroz kardey, elonış karde ki, ın şəhidon İroni çokə rəhbəron kon ki Fələstini hədəfonku himoyədə fəxrinə mevğiətonışon hest be
Həmas və İraği 1 minə vəzir Seyd İbreym Rəyisi və deəy bə ico bıə heyəti şəhodəti xoto səbəsəloməti mesaj.
Həmas həm de ıştə səbəsəloməti və de İroni Yolə Rəhbəri iyən İroni milət və devlət ıştə nığılə vəhdəti ibroz kardey, elonış karde ki, ın şəhidon İroni çokə rəhbəron kon ki Fələstini hədəfonku himoyədə fəxrinə mevğiətonışon hest be.
Əmə İslomiyə Mığoviməti cəhbədə (Həmas) de imon bə ilahiyə təğdiri və de səbr bə İslomiyə İnğilobi Rəhbər səmimi surətədə səbəsəloməti doyədəmon. iyən xareci koon vəzir Huseyn Əmirəbdullahiyani və Təbriz şəhri ostandar və cımə İmom iyən vəli fəğih nımoyəndə səbəsəloməti doydəmon və ın ğəmqinə hodisədə İroni İslomiyə Respublikə ıştə vəhdəti elon kardəmon.
İraği İminə vəzir həm qıləy mesajədə de İroni przdent şəhodəti mınosibəti votışe: Seyd İbreym Rəyisi jəğo ki, çəmə bıvə be, qıləy yolə inson, ıştə milləti hakemiyətiku mıdofiyə əkə və çəmə kişvəri de nıbə şərti dust bəmandey.
Bə İrib raporti əsos, İroni prezdent ki zinə Şərği Azərbaycan ostanədə çand qılə proyekti bə istismor rosniyeyro bə ın ostani səfəş kardə be, çəy helikopter suğutış kardə.
Qıləy holədə ki imdodi təşkilot və ğıvvon i minnə ləzəku ıştə koy bıno kardışone, oxoysə millət və imdodəkəyon de İronıjə dronon vositə hodisə vində vertəliyoti pəydo kardışone.
In hodisədə İroni xarıci vəzir Huseyn Əmirəbdullahiyan, Təbrizi imom cumə Ayətullah Seyd Muhəmməd Əli Ali- Haşim və Şərği Azərbaycan ostani ostandor Malik Rəhməti həm şəhid bin.
Şəhidon təşyi mərosim elon bəbe.
