Azərbaycan Respublika: Erməniston hucuməkə hərəkətonju bə kəno bımando
Azərbaycan Respublika xarıci vəzarətxonə sıxənəvot, bə Ermənistoni xarıci vəzarətxonə İşəmbə ruji bəyoniyə reaksiya nışo doe çərçivədə, İrəvaniku tələbış kardə ta deşmənəti siyasəton və hucuməkə hərəkətonku bə kəno bımando.
Milodi 2022 minnə sori Dekabrə manqi 12 minnə rujədə, Azərbaycan Respublika Laçin koridori dəbastey bino, və bandiyə Ğərəboği mıhosirəş kardə. de ım vucud ki humanitar təşkilaton vey kərə bə Ğərəboği milləti vəziyəti qıvonin bey xoto notaşon doə, əmmo Boku rozi nıbıə ki laçin karidori iyən caddə oj bıko.
Həminə məsələ barədə İrəvan votəşe ki Boku ım hərəkət, Ğərəboği məntəğədə Ermənion milləti qenosidi zəminə hozzoş kardə.
Zinə Ermənistoi xarıci vəzarətxonə qıləy bəyoniyədə əlovəş karde: İrəvani tədğiğon nışoş do ki Azərbaycan Respublika har ko əncom dodə ta məntəğədə sulh icod nıbu.
Bə İrna raporti əsos, Azərbaycan Respublika xarıci vəzarətxonə sıxənəvot, bə ım bəyoniyə nışoş do və elamnış karde ki: Ermənisoton 30 sor bəbe ki de beynəlxalğ ğanuni darşiye 1 milyon Azəri avarəti bois bıə və işğal kardə ərazionədə qırd bə çəmə torixi aid bıə əsəron xərobəş kardə ki ın çı irği cəhəto cinoyət və nifrət nışo doey nımonəy.
Azərbaycan Respublika xarıci vəzarətxonə tojə bəyoniyədə çı Ermənion tərəfo sulhi barədə sıxanon bənə du-təlbisi elan bıə.