İlham Əliyev bə İron İslom Respublika prezident Fitrə idi təbrik votışe
Azərbaycan Respublika prezident Fitrə idi dəme mınosibəti bə İslomi İnğilobi Yolə Rəhbər, prezident və İroni millət təbrik votışe.
Bə Prezidenti məlumatərosnə mərkəzi raporti əsos, Azərbaycan Respublika prezident İlham Əliyev bə İron İslom Respublika prezident Seyd İbreym Rəyisi de qıləy mesaj vığande vositə, İroni rujə əqəton nımoj rujəon ğəbul bey urzoş kardə və fitrə idi dəme mınosibəti bə İslomi İnğilobi Yolə rəhbər, İron İslom Respublika prezident və İroni millət təbrik votışe.
Bə İslomi İnğilobi Yolə Rəhbəri təşkiloti elani əsos, ımruj Şənbə Hicri Ğəməri 1444 minnə sori Şəvvalə manqi 1 minnə ruj və de Fitrə idi ruji bərobəre.
Zinə Cımə Ərəbiston, Bəhreyn, Ğətər, Suriyə, İ Bıə Ərəb Əmirəti və Tırkiyə, Misr, Koveyt, Yəmən, Fələstin və Livan və İordaniya kişvəronədə Şəvvalə manqi 1minnə ruj və Fitrə id elan bıə be.
Kali islomi kişvəron əcumlə İrağ, Oman və Pakiston həm ımruj Fitrə idi elanışon kardə.
