İron de AİŞ-on oxonə təhdidon anqıl bə AEBA noməş vığandə

İron İslom Respublika Vyanadə bıə beynəlxalğə təşkiloton nəzdədə dayimi nımoyəndəti çe AİŞ-on bə İroni dincə nuvə proqrami ələyh oxonə təhdidon cəvob doəşe.

İron İslom Respublika Vyanadə bıə beynəlxalğə təşkiloton nəzdədə dayimi nımoyəndəti çoşanbə şəvi çe AİŞ-on bə İroni dincə nuvə proqrami ələyh oxonə təhdidon cəvobən,bə Atom Beynəlxalğə Enerji Aqentəti sər direktor Rafael Qrossi çın təhdidon addi bey bə aqentəti etıbori və qlobal pevolo nıbey rejimiro təhlukəninə nəticəon barədə xəbərdorəti kardə qıləy məktubış vığandə.

AİŞ prezdenti Donald Tramp dışambə ruji de israyilin sər vəzir Binyamin Netanyahu bıə dido bədiqə ıştə bə İron İslom Respublika ələyh kanə ritorika və təhdidonış tikror kardə.