Azərboycon ərteşədə pesoxtə intihoron dəvom kardedən

Azərboycon Ərteşi ğolloğəkə Kərim Kərimovi iyuli 29-də Naxçıvanədə marde barədə əşey əvlodon tərəfo məlumot pevolo kardə bə.

Məlumotədə, Kərim Kərimovi Ostoro rayoni Pənsər diku be votə bedə.Əsqəri marde səbəbi barədə rəsmi məlumot doə bə ni, əmmo miyonədə qardə versiyon qılıədə Kərim Kərimovuni intihor karde votə bıboən, əvlodon bə ımi bovə kardənin.De çəvon votəy,dı sor bə navən Pənsər diku bə dı cıvon Naxçıvanədə hərbi xıdməti fəxt ovədə tasə bin. Xəzər Hərbi Tədğiğaton İnstituti bəyon kardə hesobatədə, tosə 2026-mınə sori mayə manqi Azərboyconədə kamiku 20 hərbi ğolloğəkə ğeyri-dave şəroitədə marde ğeyd kardə bə.Çın hərbi ğolloğəkon 5 kəs curə-bəcurə noxəşionku, 5 kəs avtomobil ğəzoədə, 3 kəs intihoriku, 2-kəs bədbəxt hadisəku, 1 kəs beehtiyotətiku mardən. 4 hərbi ğolloğəkə marde səbəbi hesabatədə nuşu doə bə ni.Mardə hərbi ğolloğəkon 13-kəs Mıdafiə Vəzorəti, 5 kəs Devlət Sərhəd Xıdməti, 1 kəs Fevğəladə Holon Vəzorəti, 1 kəs Səfərbərəti və bə Hərbi Xıdmət Vanqi Devlət Xıdməti koəkon bən.Xəzər Hərbi Tədğiğaton İnstituti 2025-minə sori hesobati əsos, 43 hərbi ğolloğəkə qeyri-dave şəroitədə mardən.