Ermənıstan cəhd kardedə ki de İron ozod iğtisadi məntəğəon bısoxti.

Ermənıstəni i minə vəzir çın kişvəri cənubədə bıə Siyonik nomo ostanədə elanış kardə: İrəvan de İron İslam Respublika muzakirə karde holədəy ta Siyonik ostani Meğri şəhrədə iyən İroni sərhədi nezi qıləy ozod iğtisadiyə məntəğə icod bıkə.

Bə İrib raporti əsos Karen Karapetiyan təsdiğış kardə: bo məhsulon sadir kardero qıləy mıştərikə şirkəti fəaliyət həm bino bəbe ta Ermanıstaniku məhsulon hırye bə peşt əvoni İronədə bəhvati.

Karapetiyan ijən votışe: bo 2017-nə soriro Ermanıstan qıləy 830 miliyon dollariyə moyə bınə proyekti hozzuş kardə ki 55 milyon dollar çəyku Siyonik ostani mədən, di təsərrufat və co sənayeədə xarc bəbe.

İron və Ermanıstani miyono iğtisadi rabitəon miğdor har sor 300 miliyon dollare ki bə təvafoğ iyən bərnaməon əsos bo həmkarion hevujəti iyən inkişofiro vey zəminəon hozzu bıə.

Ermənıstan 30 həzo kilo metir hevujəti iyən 3 miliyon nəfər cəmiyətış heste.

Im kişvər de İron, Tırkiyə, Azərbaycan Respublika, Qurcistan və Nəxçivan mıştərikə sərhəddonış heste.