De Rusiyə İroni nati veyə muğaviləon imzo bey

İroni nati milli şirkəti yol votışe: 7 qılə nati muğavilə de Rusiyə şirkəton dumoədəy ki Çəşmə Xoş, Dalperi, Paydar Ğərb, Şadqan, Aban, Paydar Şərğ və Kopal meydononin.

Bə İran Peres aqentiyəti raporti əsos, Pencşəmbə rujədə İroni nati milli şirkəti yol, Muhsen Xocəste İroni kimiyayə nat və qazi beynəlxalğə 27 minnə nımoyeşqo kənoədə xəbəiyə iclosədə votışe: İroni nati meydonədə Rusiyə şirkəton əktivə muğaviləon 4 milyard dollar proqonoz bıə.

Xocəstə Mehr ıştə sıhbəton dəvomədə votışe: İronədə investisiyaro xarıci şirkətonro hiç qılə məhdudiyəti ni və nati sənaye planon bə i qılə kişvər məhdud ni.

İroni nati milli şirkəti yol bəyonış kardə: kali xarıci şirkəton İroni nati sənayeədə veyə rabitəon hevujəti dumoədən boçi ki İron vey zumande və kişvəron həm cəhd kardedən ta nati rabitəon icro bıbu.

Xocəstə Mehr həmçınin işorəş kardə ki İroni nati istehsol və həvote hiç qılə şəroyetədə bənə sanksiya ya 8 sor icbor bıə canq ğət bıə ni.