Nəğliyot baxşonədə İron və Rusiyə 2tərəfiyə həmkoətion hevujəti
Rusiyə Sankt-Peterburqədə har sornə iğtisodi iclosi kənoədə, İroni şəhr soxtey iyən roy vəzir de Duma nəğliyoti kumitə yol vindemon və 2tərəfiyə rabitəon inkişofi barədə de yande votımonışon kardə.
Bə İran Peres aqentiyəti raporti əsos, Pencşəmbə rujədə İroni şəhr soxtey iyən roy vəzir Mehrdade Bəzrpaş və Duma nəğliyoti kumitə yol Maskoyçof, İron, Rusiyə, Tırkməniston və Uzbəkistoni 4 tərəfiyə həmkoəti barədə qıləy iclosədə iştirokışon kardə və tranzit roy, standard sotemon və roy iyən dıyo barədə de yande votımonışon kardə.
Im iclosədə 2 qılə kişvəri nəğliyot mevzuon, dıyo baxşonədə xususi Əmirabad, Ənzəli və Kaspiyən porton barədə kali sazışon əncom bıə.
Sankt-Peterburq iğtisodi 26 minnə iclos de Rusiyə prezdent Veladimier Putin, mıştərələ mənafe kişvəron prezdenton və dınyo 120 qılə kişvəriku vey iğtisodi vəziron iyən iminnə vəziron iştiroki bərpo bıə.
