Azərbaycan Respublika tojədən Ğərəboği ğazış bırniyə

Zinə Ermənisstoni Armen Peres aqentiyəti raportış do ki Azərbaycan Respublika co kərə Ğərəboği məntəğə qazi ğətış kardə.

Bə İrna raporti əsos ki həminə aqentiyətiku nəğlış kardə de diğğət bə ım ki çand manqi bəpeşt tojədən bə Ğərəboği qazi ovoştoniye bino bıə be əmmo Azərbaycan Respublika Ğərəboği qazi ğətış kardə.

Armen Peres ijən əlovəş kardə ki İşəmbə rujədə ım məntəğə qazi ovoştoniye lulə xəti fişor kam bıə və peşo ğət bıə.

Artsx qazi nomo qazi şirkət elanış kardə ki qazi ovoştoniye lulə xətədə çand saətiro sutemoniku təyin bıə miğdori cərəyon peydoş kardə əmmo ruji oxoədə ğət bıə.

Bə Tas nomo aqentiyəti nıvışte əsos, Yanvarə manqiku tosə ısət, bə Ğərəboği qaz iyən ruşnə ovoştoniyeçand kərə ğət bıə be.

Milodi 1991 minnə sorədə Səvet hukuməti suğut kardey bəpeşt, Azərbaycan Respublika iyən Erməniston deyande co bıən və bə istiğlol rəsəşone. Im kişvəron tosə ısət, 2 kərə bə mınoğişə məntəğəon barədə deyande canq kardışone ki çəy cərəyonədə çand da nəfər kıştə bıən.