İron və Azərbaycan Respublika marzi sıfrə noğtəku Qeneral Bağıri vindemon

İroni silohinə ğıvvon həmmə ğərorqoh yol, Poldəşt şəhrıstonədə İron və Azərbaycan Respublika marzi sıfə noğtəku vindımonış kardə.

İroni mudafiə doktorin bə inkişof doey mudafiə əsose, həğiğiyə mudafiə icod kardeyro, hərbi zumandəti və etıborinə silohon iyən zumandə silohinə ğıvvon soyb bey, vey muhimmə məsələy.

Bə Təsnim aqentiyəti raporti əsos, zinə İroni silohinə ğıvvon həmmə ğərorqoh yol Qeneral Muhəmməd Bağıri de İron İslom Respublika həmmə ğıvvon komandir və kali silohinə ğıvvon həmmə ğərorqoh ali komandiron və muavinon bə ico, Poldəşt marzi sıfə noğtə iyən Ərəs marzi qruhanədə iştirok kardey, ım noğtə marzbonon və ğıvvon oxonə vəziyətiku xəbədo bıən.

Im vindemonədə İroni silohinə ğıvvon həmmə ğərorqoh yol kişvəri əraziku mudafiə kardə marzbononku ğədrdonətiş kardə və təkidış kardə: ımrujnə ruji İroni silohinə ğıvvonmudafiə zu har zəmoniku veye və silohinə ğıvvon həmmə baxşon komilə hozzoətiədə ğəror qətəşone.

Qeneral Bağıri ım vindemoni hədəfiku İron və Azərbaycan Respublika mıştərəkə marzədə ğeyri amili sistemiku oxonə vəziyəti təğib kardey bəyonış kardə.