Bə Xanım Fatimə Zəhra(s) nomo bıə məçiti sayt kiberiyə hucum bıə.

Azərbaycan Respublika mediyaon xəbəşon doə ki Bukoədə bıə Xanım Fatimə Zəhra(s) nomo məçiti sayti həkışon kardə və ım məçiti sayt de kiberiyə hucumi ujnən ko kardedəni.

Bə İslam Azəri sayti raporti əsos çın mıborəkə nomi xıvaniə məçiti sayti hək karde və bəy kiberiyə hucumon qıləy holədə əncom bıə ki çand ruj çımiku bə nav Azərbaycan Respublika sərprokurorəti xəbə doətiş doə ki ım məçiti saytədə çandə dıvlətiyə sənədon ifşa bıə ki məvuji ğeyri ğanuniye.

Çı Azərbaycan Respublika mətbuaton şura rəis həm xəbəş doə ki bəzi jıqonə sayton və co ğeyri ğanuniyə fəaliyəton xıvand bıə sayton bəbe Azərbaycan Respublikadə filter bıbon.

Həzrət Fatimə Zəhra(s) nomi xıvand bıə məçit ımsornə sori Fevralə manqədə ujnən de xərob bey təhdid və xətəron əv həm dıvləti tərəfiku dim bə dim bıə be.

Xanım Fatimə Zəhra(s) nomo bıə məçiti xərob karde xəbəon bəpeştə mediyaon elanışon kardə ki qıləy dıvlətiyə rəsmi şəxs pidəşe ım məçiti zəmini hırye bəpeştə əyo mağazaon və ticariyə mərkəzon besoxti.

Azərbaycan Respublika dıvlət de har curnə bəhonəon ım məçit və bəy vabəstə bıə kəson və mərkəzon bəd nom karde ğəsdış heste.