Rusiyədə İroni səfir de Rusiyə xarıci vəzorətxonə muavini vindemonış kardə

İron İslom Respublika səfir iyən Afrika şimol və Miyonə Şərğ koonədə Rusiyə prezdenti məxsusə nımoyəndə və xarıci koon vəziri muavin 2 tərəfiyə mıştərəkə məsələon barədə deyande vindemon və votımonışon kardə.

Bə Təsnim aqentiyəti raporti əsos, İron İslom Respublika səfir, Kazım Cəlali və Afrika şimol və Miyonə Şərğ koonədə Rusiyə prezdenti məxsusə nımoyəndə və xarıci koon vəziri muavin Mixail Boqdanev əlovə bə 2tərəfi rabitəon məsələon iyən mevzuon Miyonə şərğ və Afrika şimol məntəğə oxonə təhəvulaton barədə de yande votımonışon kardə.

İron və Rusiyə 2tərəfi baxşonədə xususi iğtisodi, hərbi, əmniyyəti və ijən məntəğə və beynəlxalğə məsələon əcumlə de Amerkə unilateralizm mobarizə bardey  stratejikə mıştərəkə mənafe soybin və dəvardə soronədə ım məsələ nezə həmkoətion vey muhimmə amil bə hisob omeydə.