Bə Ermənistoni ələyh, Azərbaycan Respublika tojə ittihom

Azərbaycan Respublika ali rəsmi şəxsonku qıləyni Ermənistoni bə nifrəti rəvoc doey iyən sulhiku diyəro mandey mıttəhəmış kardə.

Azərbaycan Respublika və Ermənistoni miyono otəşbasti muğavilə ki Milodi 2020 minnə sorədə Ğərəboği 44 rujə canqi bə oxo rosnişe və bə 3tərəfiyə bəyoniyə məşhure, tosə ısət çand kərə darşiyə bıə.

Əmmo ım miyonədə Laçini vey muhimmə koridori dəbastey barədə ki Boku oxonə hərəkət be və de Azərbaycani hərbiçion vositə əncom bıə, vey kişvəron rəsmi şəxson və insoni həxon təşkiloton tərəfo məhkum bıə və ım hərəkət 2 qılə kişvəri miyono vey dave icod kardey cəhətədə zınəşe.

Im prossesədə de xarıci vositəçiyətion vecudi hiç inkişofi ənco nıbıə.

Har çand vaxt i kərə har 2 qılə kişvər bə yande ittihom jeydən.

Bə Deyli Səbah rujnomə raporti əsos, Deşəmbə rujədə Azərbaycan Respublika insoni həxon komisser Sabina Əliyeva ıştə sıxənonədə Ermənistoni bə nifrəti rəvoc doey iyən sulhiku diyəro mandey mıttəhəmış kardə.

Əliyeva ijən votışe: virtual şəbəkəon iyən mətbuatonədə, bə Azərbaycan Respublika sakin bıə Ermənion mənfi və be əsosə nəzəon iyən bəyoniyəon muntəşi bey, de sulh iyən de yande jimoni barədə nəzəoni icod kardedə və ım prosses subit kardedə ki Erməniston de Azərbaycan Respublika bə sulh dast peydo kardey meylış ni.

Azərbaycan Respublika insoni həxon komisser ıştə sıxənon dəvomədə təsdiğış kardə:holi hazırədə Erməniston bə Azərbaycanofobiya siyosət meylış heste və ım məsələ ictimai kanalonədə de Erməni koəkəyoon vey oşkoe.