Azərbaycan R. iyən İroni məhkəmə və huğuği həmkoəti hevujəti

İroni məhkəmə əmniyyəti siyosi muavin iyən Azərbaycan R. Məhkəmə yol 2tərəfiyə huğuği iyən məhkəmə həmkoəti hevujəti barədə deyande votımonışon kardə.

Bə İrna raporti əsos, İroni məhkəmə əmniyyəti siyosi muavin Məhdi Əmiri İsfəhoni iyən Bokuədə bıə Azərbaycan R. Məhkəmə yol Kamran Əliyev bə 2tərəfi həmkoətion zumandəti,  2tərəfi rabitəonədə mevcudə məsələon komil iyən nığıl surəti təğib kardey, 2tərəfi sazışonku beynəlxalğə təəhudaton ijən daxıli prinsipon əncom doey zərurət təkidışon kardə.

Həminə cəhətədə Tehronədə Azərbaycan R. Səforətxonə təəsufinə hodisə məhkəmə cəhəto təğib bıə.

Milodi 2023 minnə sori Yanvari 27 minnə rujədə  Tehronədə bə Azərbaycan R. Səforətxonə qıləy silohinə şəxsi həmlə cərəyonədə səforətxonə mıhofizəkə şəxs kıştə be iyən 2 nəfər həm zəxmin bıə bin. Im hodisə illət bə ayləvonəti məsələon əncom bıə be.