Boku şəhrədə həzrət Fatimə Zəhra(s) milad ruji mərasim bərpo be.

İslam peyğəmbəri əzizə kinə həzrət Fatimə Zəhra(s) səadətinə milad ruji mərasim bokuədə bıə İron İslam Respublika səforəti Şəhriyar nomo bıə mədəniyə mərkəzədə bərpo be.

Bə İRNA xəbon əsosi Azərbaycan Respublikaədə bıə İron İslam Respublika mədəniyə koon məsul şəxs İbrahim İbrahimi həminə mərasimədə Həzrət Fatimə Zəhra(s) səadətinə viladəti təbrik voteədə ə  həzrəti miladış mıslmonon miyonədə həmməysə yolə şoə mərasimış zınə.

 İbrahimi işarəş karde mıslmonon və məxsusən şiəyon dınyo həmmə vıronədə Həzrət Fatimə Zəhra(s) milad ruji bənə jenon ruji nomo de şoə mərasimon dəvonedən və əlavəş karde islam jenonru veyə izzət və ehtıron nəzədə qətəşe.