Bə Ermənistoni ələyh Azərbaycan Respublika mudafiə vəzorətxonə ittihomon

Azərbaycan Respublika mudafiə vəzorətxonə qıləy holədə Ermənistoni marzi baxşon bə Azərbaycan Respublika vırəon ti ğandey mıttəhəmış kardə ki ım kişvəri ğıvvon həm bə Azərbaycan Respublika vırəon həmlə kardəş be.

Azərbaycan Respublika və Ermənistoni miyono otəşbasti muğavilə ki Milodi 2020 minnə sorədə Ğərəboği 44 rujə canqi bə oxo rosnişe və bə 3tərəfiyə bəyoniyə məşhure, tosə ısət çand kərə darşiyə bıə.

Əmmo ım miyonədə Laçini vey muhimmə koridori dəbastey barədə ki Boku oxonə hərəkət be və de Azərbaycani hərbiçion vositə əncom bıə, vey kişvəron rəsmi şəxson və insoni həxon təşkiloton tərəfo məhkum bıə və ım hərəkət 2 qılə kişvəri miyono vey dave icod kardey cəhətədə zınəşe.

Bə Azər Niyuz aqentiyəti raporti əsos, Azərbaycan Respublika mudafiə vəzorətxonə iddioş kardə ki Ermənistoni silohinə ğıvvon de ım kişvəri ərtışi sıbıkə silohon ım kişəvri hədəfış ğəror do.