Moskva kitobi beynəlxalğə nımoyişqoədə İroni hərorətinə iştirok

İroni ədəbiyot iyən kitobi kə, de 600 qılə unvani kitob, Moskva kitobi 36 minnə beynəlxalğə nımoyişqohədə hərorətinə iştirokış be.

Bə İran Peres aqentiyəti raporti əsos, Moskva kitobi 36 minnə beynəlxalğə nımoyişqohədə İroni ədəbiyot iyən kitobi kə  de Moskvaədə İron İslo Respublika mədəni məşvərətəkə həmkoəti 600 qıləku vey unvani kitob demuxtəlifə mevzuon əcumlə İronşınosi, hınə, muğəddəsə mudafiə, muğaviməti ədəbiyot, kelasik və mıosirə ədəbiyot  zıney iyən nışo doə bıə.

Im miğdor kitobiku təğribən 250 qılə unvan kitob, Farsi zıvoniku bə Rusiyə zıvon tərcumə bıə.

Həmçınin Moskva kitobi 36 minnə beynəlxalğə nımoyişqoh ım dıvrədə, kitobon nışo doey, de muntəşirəkəyon, ənıvıştə kəson iyən nımoyişqoh rəsmi şəxson vindemon əcumlə İroni ğorfəon bərnoməonku be.

Milodi 1998 minnə soriku Moskvaədə har sor Moskva kitobi beynəlxalğə nımoyişqo bərpo bəbe və mədəni cəhəto ım nımoyişqoh dınyo vey yolə nımoyişqohoku qıləyni bə hisob omeydə.