Rəyisi bə İron və Tırkiyə həmkoətiyon səthi inkişof təkidış kardə

İron İslom Respublika prezdent de işorə bə İron və Tırkiyə torixi iyən sivilizasiya mıştərəkə rabitəon ıştə umo nışoş do ki Ərdoğani prezdenti tojə dıvrədə 2 qılə kişvəri həmkoətion səth dəvardəku vey əlovə bıə iyən 2tərəfi beynəlxalğ iyən məntəğə rabitəon zumandəti bois bıə.

Bə İran Peres aqentiyəti raporti əsos, İron İslom Respublika Prezdent Seyd ibreym Rəyisi Tehronədə Tırkiyə xarıci vəzir, Hakan Fidan vindemonədə, 2 qılə kişvəri ticori rabitəon roy hoston kardey iyən mıtəğabilə zərfiyəton mıbodilə kardeyədə iğtisodi həmkoətion mıştərəkə kamissiya əktiv kardey vey təsirin zınəşe.

Rəyisi ijən bə məntəğədə Tırkiyə əmniyyəti niqəronətion işorəş kardə iyən de terrorizm mobarizə bardeyro bə milli hakımiyət ehtırom noey və məntəğə həmmə kişvəron ərzi təmamiyyəti ehtırom noey vey təsirinə hələkəroy zınəşe və təsdiğış kardə: har qılə devləti milli hakımiyəti təsirinə koon bə həmonə devləti sərzəmini ərzi təmamiyyət, anti əmniyyət və terroristiyə fəaliyətonku vəye qətey vey çokə roy bə hisob omeydə.

İron İslom Respuiblika prezdent ijən muxtəlifə məntəğəonədə əcumlə Ğəfğazədə de xarıci kişvəron iştiroki muğabilə kardey vey zərruri zınəşe və har qılə məntəğə kişvəron miyono bə həmkoəti iyən votımoni royku məsələon həll kardey təkidış kardə.

Tırkiyə xarıci koon vəzir Hakan Fedan həm ım vindemonədə bəyonış kardə: İİron və Tırkiyə, həmkoətion iyən rabitəon zumand və hevujətiro veyə zərfiyəton soybin əv ijən 2 qılə kişvəri ticori mıbodiləon səth bə 30 milyard dollar rosniye hədəfi mumkin zınəşe iyən ım hədəfi bə vırə rosniyro bə Tırkiyə irodə təkidış kardə.