De Ğəfğazi məntəğə qeopolitikə əvəz bey İroni muxalifət
İroni İslomi Şura parlamenti xarıci siyosət iyən milli əmniyyəti kamissiya sədri muavin təkidış kardə: İron de harcurnə Ğəfğazi məntəğə qeopolitikə əvəz bey muxalife.
Milodi 2020 minnə sorədə Ğərəboği 44 rujə canq, de Rusiyə vositəçiyəti iyən Erməniston və Azərbaycan Respublika miyono otəş basti sazışon imzo kardey sə bıə.ım canqi oxoədə İrəvan, bə Azəri tərəfi mənafe əsos, Ğərəboği çand qılə baxşi ıştə dastiku doşe.
Cənubi Ğəfğazədə sionist rejim iyən ğərbi tərəfon iştirok iyən mıdoxilə məsələ, əcumlə məsələoni heste ki İron bəy veyə diğğətış heste, boçi ki ım məntəğədə harcurnə xarıci tərəfon iştirok əcumlə sioniston iştirok stabiləti iyən sulhi ələyh təhdid bəbe, bə çəy xoto, İron bə həmmə tərəfon notaş do ki ım pesoxtə bıə rejimi rəftori vədə de huşinəti əməl bıko iyən Ğəfğazədə iyən co qılə məntəğəonədə ım rejimi iştiroki icozə nibədon.
Bə Milləti kə aqentiyəti raporti əsos, Parlamenti milli əmniyyəti kamissiya sədri muavin votışe: məntəğə kişvəron icozəşon nıdo ki sioniston və çəvon ğərbi tərəfdaron Ğəfğazi mevzuədə de mıdoxilə hədəfi varid bıbun boçi ki əvon qeopolitik iyən siyosi hədəfon əvəz bey dumoədən.
Əzizi ijən əlovəş kardə: məntəğədə ixtilafon məsələ bəpe diplomatiya və siyosi məşvərəton royku həl bıbu boçi ki hərbi daveon bois bəbe məntəğədə noəmni icod bıbu iyən be qınohə millət həm kıştə bıbun.
