Bə Fələstini tərəfdoron zidd repressiyəon və Avropadə insoni erjon məhfəti
Bə Fələstini tərəfdoron zidd repressiyəon və Avropadə insoni erjon məhfəti
Bə Fələstini tərəfdoron zidd repressiyəon və Avropadə insoni erjon məhfəti
Parisi Stalinqrad meydonədə şambə ruji bo Fələstini məzlumə mərdumi dastəkiro Fələstini tərəfdoron qıləy dıjdə mitinqışon bərpo kardə.Mitinq Fransa hukuməti kişfərədə bıə Fələstini tərəfdoron həmməysə dıjdə vətəndo cəmyəti təşkilot bıə “Fələstin fevğəladə vəzyətədə” nomo əncuməni ləğv kardey ğərori bədiqə dəvordıney bıə.
Fransa daxili koon vəzir Bruno Riteau "bə hoziyəti təhrik" və "iştimoyi əmniyəti təhdid kardey" iddiyo kardə holədə,çın assosisaiyə ləğvi barədə əmrış kardə.əmmo realətiyədə bə hədəf seyə bıə nifrəti pevolo kardey ne,bəlkəm ziyodə şəhrvandon fəoləti və israyili rejimi Ğəzzə tanqədə kardə cinoyəton barədə bə iştimoiyyəti məlumot doeye.
“The Guardian” qəzeti bə beynəlxalğə onemonon istinodən Ğəzzə tanqədə “sistematikə vəşyanəti”, “kuyə bombardman” və “çe tuməbıri ojə-oşkoə dəlilon” barədə məlumot doə zəmonədə,Fransa hukuməti bo Fələstini tərəfdoron sədo etosneyro bıə ğəror,fəğət çe siyosi ğərəzəti əlomət ne,həmən demokratiyə prinsiponku və insonə həxon iddiyo kardə bıə prinsiponku oşkoə şikilədə bə dumo pekıreye.Parlamenti çəpə deputat bə Rafael Arnaudi təbiri əsos,“Fransa nəyinki respublikə prinsiponku bə diyəro bıə,həmən bə irğçiyə istibdod iyən neofaşizmi mıştərəkəti səmt şeydə”.
