Ursula fon der Leyeni Boku didor
İyuli 1-də Azərboycon Respublika Prezident İlham Əliyevi de Avropa Komissiya Prezident Ursula fon der Leyeni həm i bə i, həmən de vəzir bə ico didorış bə. Didori bədiqə tərəfon bə mətbuati ivrədə bəyonat doəşone.
Nav səfəri inson həxon və siyosi məhbuson məsələ qınə bıboən, İlham Əliyev və Ursula fon der Leyen bəyonətədə bın mevziyun qınə nin .İlham Əliyevi əştə qəpədə bəyonış kardə ki, bo Avropa İttifoğe Azərboycon Cənubi Qafqazədə əsos ticorət tərəfdore və dıtərəfinə ticorəti -70 faiz bə Azərboyconi po eqnidə.De çəy sıxani, Avropa İttifoğe uzv keşfəronədə 10 qılə Azərboyconiku təbii ğaz hıridən və ın tədarukon her-hevuji ro potensial hıste.Ursula fon der Leyeni ıştə qəpi veyni bə enerji həmkoəti, reqional məsəlon və Azərboycon-Erməniston sulh prosesi həsr kardəşe.Əy bəyonış kardə ki, Avropa İttifoğ (AI) Cənubi Qafqazədə nəqliyyat, enerji və rəğəm layihon ro 200 milyon avro qrant co bəkarde.Ursula fon der Leyeni nav Azərboycon səfər bın keşfərədə dastqirətiədə bə i dastə siyosi fəol və jurnalist bəy ovardən. Avropa Komissiya prezidentiku Boku didorədə inson həxon, siyosi məhbuson və media ozodəti məsəlon qıne rico kardəşone.İntasi, Ursula fon der Leyeni Boku didorədə və mətbuat qəpədə inson həxon və siyosi məhbuson anqıl hiççiy votə bə ni.Azərboyconi Siyosi Məhbuson Ozodəti ro İttifoğe oxonə siyohiədə 328 siyosi məhbusi nom dəvardedə.
