İordaniya və Suriyə marzon nezədə bə 22 nomo bırci məşhur bıə Amerkə baza be pilotə təyyorəon həmlə kardey və Amerkəvıjə hərbimiyonku 3 nəfər zəxmin və 34 nəfər kıştə beyku 2 ruj dvardey, Baydeni devləti rəsmi şəxson de İron canq və davero ıştə meylışon nıbeyku sıxən voteydən.
Suriyə marzi nezi İordaniya şimol şərğədə bə Amerkə hərbiçiyon baza dıroni həmlə və 3 nəfər Amerkəvıjə hərbiçiyon kıştə bey iyən 34 nəfər həm zxmin bey dumoədə ım məsələ Amerkə prezdent Co Baydeniku respublikatələbon şiddətinə tənğidiro qılə bəhonə və bə İron həmlə kardeyro çəy təhrikiro cəhdon əvəz bıə.
Qeneral Huseyn Rəhimi votışe: ımruj sıb, i nəfər silohinə şəxs bə Tehronədə bıə Azərbaycan Respublika səforətxonə həmlə və binoş karde və bə qullə ğandey həminə həmlədə i nəfər kıştə və 2 nəfər həm zəxmin bıən.
Tırkiyə təyyarəon,bə İraği ərazi ıştə ğeyri ğanuniyə hucumon dəvomədə de 14 qılə rəket ım məmləkəti şimal Kanimasi məntəğədə Hror di ətrofədə bə məntəğon bombardımon kardən.
Talibon vəədəş doə ki bə İroni jurnalisti əleyh bıə terroristi həmlə məsələ domuədə bıbu.
Tırkiyə mudafiyə vəzorətxonə İraği şimolədə bıə Tırkiyə hərbi əməliyaton nəticədə 3 nəfər çı PKK qurupi uzvon kıştə beyku xəbəş do.
Xəbəriyə mənbəon,İraği Kırdıstonı məntəğədə,Amerkə hərbiçion mərkəzi neziədə tıpımoni sədo məseku xəbəşon doə.
Yəmənı silahinə ğıvvon sıxanəvoti elanış karde ,ım ğıvvon bepilotə təyyarə dastə, Ərəbıstonı Xəmis Məşitı,Məlik Xalid hərbiyə mərkəzədə muhimmə mərkəzonışon hədəf qətə.
İraği mediyaon dəvardə 24 saati mıddətdə bə Amerkə 2 minnə nəğliyat kərvoni hucum bardeku xəbəşod doə.
İraği islamiyə mığavimət hərəkat Əlnocəba yolƏkrəm Əlkəbi,Bəğdadə bə ğeyre hərbiyə məntəğə zid rəketinə hucumış ,İrağədə fitnə təşkil kardeyu Amerkə planış zınə və ım cinayəti həxədə bə ruşinə təhğiğon əncom doe zərurəti işarəş karde.