Ğəzzə tanqədə sionist rejimi otəşvəsi darıştey və qenosidi dəvom
Pars Tudey- Fələstini İslomi muğaviməti hərəkət(HƏMAS) təkidış karde: Ğəzzə tanqədə sionist rejimi həmləon əlovə bey, həğiğətədə bə Fələstini milləti ələyh ım rejimi etosniye canqi dəvome və bə otəşvəsi əsos, həmmə təəhudatonku Telavivi oşkoə surətədə fəror kardey nışonəy.
Bə Pars Tudey raporti əsos ki Tele-Rədyoku nəğlış karde, HƏMAS-i hərəkət, Ğəzzə şəhri ğərbədə de bə işğolqərə ərtışi dəhşətinə cinoyəti işorə ki bəvədə 5 nəfər Fələstinıjon şəhid bıən, de qıləy bəyoniyə muntəşir kardey əlovəş karde: Ğəzzə tanqə bombardımoni dəvom sənibəton sionist rejimi cinoyətkorə zoti oşko iyən bə mıvcudə sazışon betafut mandey təsdiğ kardedə.HƏMAS həminə bəyoniyədə terrori əməliyoti dəvom, qullə ğandey, bombardımon və molki şəxson hədəf ğəror doey, vey təhdidinə təhəvvul zınəşe ki əmələdə otəşvəsi sazışi icro kardey fırsəti miyoniku bardedə.HƏMAS həminə hərəkəton komilə məsuliyəti və çəy nəticəon bə sionist rejimi iyən çəy faşistə yolon ehdə zınəşe.
