Тırkiyə və Uzbəkiston – tırkə inteqrasiya dı lokomotiv

Daşkəndədə uzbəkiston-tırkiyə miyonparlament həmkoəti dastə qırdemoni səş qətə.

Qırdemonədə ticori-iğtisodi əlağon,sərmayon, sənaye lohiyon ğanuni dastək, loqistika, turizm və mədəniyəti barədə mulağaton bardə bən. İyo navədə Tırk keşfəron sammitədə ros kardə bə dıjdə lohiyon de parlamenti ro bə jimon dəvone və tırk keşfəron bə iyəndı nez karde məğsəd oşko vində bedə.Тırkiyə xeyli fəxte ki, «тırk ibemoni» ritorika sıxaniku bə əməl dəvonidə. In ko uiqlə TKT çərçivədə ne, de Miyonə Asiyə və Azərboyconi dıtərəfinə əlağonədə bə jimon dəvonə bedə. Dıtərəfinə və hartərəfinə trekon bənə rəğabəti ne, bənə ğoymə strateji həmkoəti arxitektura bə miyon noə bedə.Holiədə Ankara məğsəd dıtərəfinə əlağon həniən her-hevuj: мiyonparlament daston, bılındə səthinə həmkoəti şura və co joğo mexanizmon bə nav doye. Daşkənd MA çe Ankara bənə vey etobininə mıttəfiğe. Uzbəkiston de Tırkiyə iqlə bo iğtisadi həmkoəti ne, həmən hərbi həmkoəti karde ro qəmon şododə. Bo Daşkəndi joğo həmkoəti əlağon modern kardə şanse, əmmo dırozmıddətinə perspektivədə çe Moskova iyən Pekiniku ıştə şıkrəti bə kam kardeye ki, ımən de Tırkiyə eçınon səpeyəndı eqnidə.