De Azərbaycan R. muzakirəro Ermənistoni hozzoəti elan kardey

Tojədən Ermənistoni iminnə vəzir Nikol Paşiniyan de Frasə prezdent Emanoel Məkroni telefoniyə votımonədə bə 2 qılə kişvəri marzonədə daveon kam kardey xoto, de Azərbaycan R. İlham Əliyevi təcili muzakirəonro ıştə hozzoəti elanış kardə.

Bə İrna raporti əsos, Şənbə rujədə ijən Paşiniyani təşkilot elanış kardə ki Ermənistoni iminnə vəzir, de Amerkə xarıci vəzir Antoni Belinken, Almaniya kansler Olaf Şolts, Qurcıstoni iminnə vəzir, İrakli Qaribaşoyli və İron İslom Respublika prezdent İbreym Rəyisi telefoniyə votımonədə, mıştərəkə məsələon barədə votımonışon kardə.

Milodi 2020 minnə sorədə Ğərəboği 44 rujə canq, de Rusiyə vositəçiyəti iyən Erməniston və Azərbaycan R. miyono otəş basti sazışon imzo kardey sə bıə.ım canqi oxoədə İrəvan, bə Azəri tərəfi mənafe əsos, Ğərəboği çand qılə baxşi ıştə dastiku doşe.əmmo de otəşbasti sazışon imzo bey vucudi 2 qılə kişvəri rabitəonədə həmçınan dave hakim be iyən çand kərə 2tərəf otəşbasti darşiyəşone.