Əmirəbdullahiyan: Ğərəboğədə daveon bəpe votımoni royku həl bıbu

İron xarıci vəzir de Ermənistoni xarıci vəzir vindemonədə bə 2 tərəfi səmtiku otəşbasti maddon rioyət kardey iyən votımoni royku məsələon həl kardey təkidış kardə.

Bə İrna raporti əsos, İroni xarıci vəzir Huseyn Əmirəbdullahiyan ki de İroni prezdent bə ico və İ Bıə Milləton Təşkiloti iclosədə iştirok kardey xoto, bə Niyu york şə, tojədən ışə şəxsiyə səhifədə de Ermənistoni Respublika xarıci vəzir, Ararat Mirzoyan vindemoniku xəbəş do iyən nıvıştəşe: ım vindemonədə  bə 2 tərəfi səmtiku otəşbasti maddon rioyət kardey iyən votımoni royku məsələon həl kardey təkid bıə.

İroni diplomatiya təşkiloti yol ijən əlovəş kardə: İron İslom Respublika, Ğərəboği bənə Azərbaycan R. Kişvəri i baxş zıneydə əmmobəpe siyosi və votımoni royku daveon iyən ixtilofon həl bıbun.

Bə İrna raporti əsos, Azərbaycan R. İyən Ermənistoni miyono daveon əlovə bey dumoədə zinə Azərbaycan R. ərtışi ğıvvon bə Ğərəboği dave bıə məntəğəku çand həmlə kardışone.