Bə Buko İroni parlamenti heyəti səfə
Asiya icloson icma ictimai və mədəni koon daimə kumitə (APA) iclosədə iştirok kardeyro İroni parlamenti heyət ki Buko şəhrədə və de Azərbaycan parlamenti mizbonəti bərpo bəbe, bə ım şəhr səfərışon kardə.
Bə Tele-Rədio aqentiyəti raporti əsos, İroni İslomi Respublika parlamenti heyət bə Muhəmməd Məhdi Zahedi riyosəti, APAədə İroni İslomi Respublika parlamenti qrupi yol və de APAədə İroni İslomi Respublika parlamenti qrupi uzv, Məsume Paşai Bəhram və APA ictimai və mədəni koon daimə kumitə yol, Əli Əlizade ım iclosədə iştirok iyən həmkoətişon heste.
12 qılə təxəsusiyə ğətnomə təğib kardey əcumlə ım kumitə 2 rujə iclosi vey muhimmə bərnoməonkue.
Im iclosi co qılə baxş bə jenon ixtisos peydo bəkay ki bəvədə iştirokəkə kişvəron jenon baxşədə ıştə muvəffəğiyəton nışo bədon.
16 qılə kişvəron parlamenton əcumlə İron, Azərbaycan, Bəhreyn, Kamboco, Ğətər, İndoneziya, İrağ, Kuveyt, Ğazaxıstan, Fələstin, Pakiston, Ğırğızıstan, Səudiyyə Ərəbiston, Suriyə, Tacikiston, Tailand və Tırkiyə ım iclosədə iştirokışon heste.
