Ermənistoni milli əmniyyəti şura sərkatib de İroni xarıci vəzir vindemonış kardə

Ermənistoni milli əmniyyəti şura sərkatib de İroni xarıci vəziri vindemonədə 2tərəfi rabitəon iyən Cənubi Ğəfğaz təhəvulaton barədə səhbət kardışone.

Bə Fars aqentiyəti raporti əsos, zinə dışəmbə rujədə Ermənistoni milli əmniyyəti şura sərkatib, Armen Qriqpriyan de İroni xarıci vəzir Huseyn Əmirəbdullahiyani vindemonədə 2 qılə kişvəri rabitəon hevujəti barədə votımon kardışone.

Həmçınin bə İranPeres aqentiyəti raporti əsos, Ermənistoni milli əmniyyəti şura sərkatib ki bə Tehron səfərış kardə, İşəmbə zuhr de İron İslom Respublika milli əmniyyəti ali şura sərkatib və Rəhbəri Yolə məğomi nımoyəndə Əli Əkbər Əhmədiyan vindemon iyən 2tərəfi koon, Ğəfğazi məntəğə təhəvulaton iyən beynəlxalğə məsələon barədə deyande votımonışon kardə.

Im vindemonədə Əhmədiyan de işorə bə Ğəfğazi məntəğə oxonə təhəvulaton və məntəğədə əmniyyət və oroməti icod beyro həmmə tərəfon cəhdon zərurət təsdiğış kardə: məntəğə qeopolitikədə harcurnə əvəzon be stabiləti iyən behron əlovə kardey bois bəbe.

Dəvardə rujədə qıləy iclosədə İroni xarıci vəzorətxonə sıxənəvot, Nasır Kənani Çafi, Bə Tehron Ermənistoni milli əmniyyəti ali şura sərkatibi səfə, 2 qılə kişvəri rabitəon çərçivədə və Ğəfğaz baxşədə oxonə təhəvulaton və Cənubi Ğəfğazi təhəvulaton barədə zınəşe iyən votıeş: de İron İslom Respublika rəsmi şəxs, Ermənistoni devləti ım rəsmi şəxsi votımonədə Erməniston iyən Azərbaycan R. miyono rabitəon və məntəğə oxonə vəziyət təğib bıə.