Bə Azərbaycan R. iyən Ermənistoni marzon nəzorətçiyon vığandeyro İroni hozzoəti

İroni silohinə ğıvvon həmmə ğərorqoh yol, bə Azərbaycan R. iyən Ermənistoni marzon nəzorətçiyon vığadero İron İslom Respublika hozzoəti elanış kardə.

Bə İran Peres aqentəti raporti əsos, Tehronədə İron İslom Respublika silohinə ğıvvon həmmə ğərorqoh yol, Muhəmməd Bağıri de Ermənistoni milli əmniyyəti şura sərkatib, Armen Qriqoriyan vindemonədə təkidış kardə ki Cənubi Ğəfğazədə əmniyyəti prosseson iyən təhəvulaton, bə məntəğə təsirış heste iyən votışe: ım məntəğədə daveon bə Erməniston iyən Azərbaycan R. iyən co qılə kişvəron mənafe ni.

Qeneraql Bağıri ijən əlovəş kardə: bəpe cəhon bə ım ixtilafon iyən daveon peqətey mitemərkez bıbu, və İron İslom Respublika ım daveon peqəteyro vey hozzoe.

İron İslom Respublika silohinə ğıvvon həmmə ğərorqoh yol, beynəlxalğə ğıvvon iştiroki de məntəğə oroməti əks zınəşe və təkidış kardə: məntəğədə sulh iyən oroməti bə həmmə kişvəron mənafe heste iyən bəpe de məntəğə kişvron vositə məntəğədə əmniyyət icod bıbu.

Qeneral Bağıri ijən bəyonış kardə: məntəğədə behron icod beyro hiç bəhonə mevcud ni, əv ijən əlovəş kardə: no oroməti iyən təfrəğə icod kardey, xarıcion siyosətonkue və məntəğə kişvəron bəpe de votımoni vositə ıştə məsələon iyən problemon həl bıkon.