Erməniston iyən Avropa rəsmi şəxsoni vindemon

İrəvan iyən Avropa ittifoği rəsmi şəxson Ermənistoni əmniyyəti vəziyəti barədə deyande votımonışon kardə.

Sentiyabrə manqi 19 iyən 20 minnə rujonədə bə Ğərəboği bandiyə məntəğə Azərbaycan R. ərtışi həmlə dumoədə iyən Buko və məhəlli devləti muzakirəon, ım məntəğə mudafiə ğıvvon ıştə silohon bə zəmin noşone iyən bə co qılə mıhociron əlovə bıən.

bə oxonə xəbəon əsos, tosə ısət, mıhociron miğdor bə 85 həzo 975 nəfər rəsə.

Bə Ermənistoni umumiyə Rədio raporti əsos, Ermənistoni əmniyyəti şura sərkatib, Armen Qriqoriyan de Ermnistonədə bıə Avropa ittifoği heyəti yol, Vasilis Maraqosi vindemonədə Ermənistoni Respublika əmniyyəti barədə və Azərbaycan R. hərbi həmləku bəpeşt, Ğərəboği bandiyə Ermənion icboriyə vırə bə vırəon barədə məşvərət kardışone.

2 tərəf bə həmkoətion hevujəti dəvomi təkidışon kardə.

zinə ijən Ermənistoni iminnə vəzir, Avropa siyosi ictima 3minnə yolon iclosi iştirokiro bə İspaniya səfərış kardə.