Ğəzzə barədə Ərduğan iyən Qutereşi telefoniyə votımon

Tırkiyə prezdent de İ Bıə Milləton Təşkiloti sərkatib, Ğəzzədə sionist rejimi hərəkəton nəticəon barədə notaş do.

Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.

Bə Əlcəzirə kanali raporti əsos, Fələstini səhiyyə vəzorətxonə Ğəzzə tanqədə sionist rejimi ərtışi həvoiyə həmləon şəhidon miğdor, 1055 nəfəriku vey elanış kardə.

Fələstini səhiyyə vəzorətxonə ijən bə ım tanqə sionist rejimi ərtışi həmləon zəxmin bıə kəsoni miğdori 5184 nəfər elanış kardə.

Bə İrna raporti əsos, Tırkiyə rabitəon idorə qıləy bəyoniyədə elanış kardə: Tırkiyə prezdent Rəcəb Təyyeb Ərdoğan iyən İ Bıə Milləton Təşkiloti sərkatib Antoniyo Qutreş qıləy telefoniyə təmasədə Ankara vositəçiyəti cəhdon royku bə Ğəzzə bəşərdustanə koməkon vığandey barədə deyande bəhs kardışone.

Im telefoniyə votımonədə Tırkiyə prezdent bə İ Bıə Milləton Təşkiloti yo, Fələstin iyən israili rejimi miyono daveon barədə notaş do iyən votışe: no mınosibə həmləon mumkine ki ım məsələ və daveon əlovə bıkon.

Ərduğan ijən təkidış kardə: zərrurie ki 2tərəf məsəloni ki ım daveon əlovə kardey bois bəbe vəy bıqəton.

İ Bıə Milləton Təşkiloti sərkatib ijən votışe: ım niqəroni heste ki de israili rejimi həmləon dəvom və HƏMAS-i rəketon vığandey vositə, Ğəzzədə Fələstini avarəon miğdor əlovə peydo bıko.