İron iyən Rusiyə enerji baxşədə bə mıbodiləon zumand kardey bıə təkid

İroni nati vəzir ki Rusiyə enerji haftə beynəlxalğə assembliyədə iştirokiro qıləy rəsmi səfəri cərəyonədə bə Moskva səfərış kardə be, ım kişvəri prezdenti sıxənonku ki vottəşe bəpe de İron enerji mıbodiləon əlovə bıkəmon himoyətış kardə.

Bə İrna raporti əsos, çoşəmbə şəvədə İroni nati vəzir Cəvad Oci de Qazprom şirkəti rəyis Əleksi Miler vindemonədə reqional həmkoətion çərçivədə və hamsuyə kişvəron royku İron və Rusiyə qazi koridori icod iyən çəy vəoməy vey mısbət zınəşe.

İroni nati vəzir ijən de işorə bə İroni cənubədə qazi mərkəzi icod kardey baxşədə İron və Rusiyə rəyison mısbətə nəzəon həminə cəhətədə bə Tehron iyən Moskva cəhdon təkidış kardə.

İron və Rusiyə iğtisodi həmkoətion mıştərəkə kamissiya İroni tərəfo rəyis de işorə bə ıştə çoşəmbə ruji de ım kişvəri iminnə vəzir Əleksander Novak və mıştərəkə ım kamissiya Rusiyə tərəfi rəyis, Fars dıyo şimoli sahilədə İron və Rusiyə qazi mərkəzi icod kardeyro əməli qəmon peqətey tələbış kardə.

Im vindemonədə həmçınin Qazprom şirkəti mudir həm de işorə bə Tehron-Moskva rabitəon hevujəti prosses, de İron tojə həmkoətionro ım Rusiyə devləti şikəti hozzoəti elanış kardə.

Pencşəmbə rujədə İroni nati vəzir bə Moskva ıştə 2minnə səfəri cərəyonədə de nat və qazi beynəlxalğə vojori mevzu, Rusiyə enerji haftə beynəlxalğə assembleyə təxəssusiyə iclosədə nıtğ kardəş.

Milodi 2023 minnə sori Oktiyabrə manqi tosə 13 minnə rujdəə de vəyomə dınyoədə enerji tojə həğiğəton mevzu Moskvaədə dəvomış heste.