Ərdoğan: holı-hozıədə Ğəzzə məzlume və İsraili cinoyəton vədə ğıbon bıə holədəy
Tırkiyə prezdent bəyonış kardə: holihazırədə Ğəzzə məzlume və İsraili cinoyəton vədə ğıbon bey holədəy. əv ijən votışe: 2 milyon insoni xorək, ruşnə və ovi bırniye, israili tərəfo insoniyə həxon darşiye nışonəy.
Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe və ım həmləon həmçınan dəvomış heste.
Bə Ğəzzə tanqə de Ğudsi işğolçiyə rejimi həmləon dəvomi həmzəman, Fələstini səhiyyə vəzorətxonə elanış kardə ki bə sionist rejimi həmləon xoto, 1500 nəfəriku vey şəhid və 7200 nəfəriku vey həm zəxmin bıən.
Bə Təsnim aqentiyəti raporti əsos, zinə cımə Tırkiyə prezdent Rəcəb Təyyeb Ərdoğan Ğəzzə vəziyəti barədə ıştə sıxənonədə votışe: həmmə tərəfon bəpe ıştə əğli oy bışən və bə əmə bə stabilə sulh rəseyro həmmə kəson dəvət kardedəmon.
Ərdoğan ijən Ğəzzədə Fələstinıjonro bə Tırkiyə koməkon vığandey işorəş kardə iyən əlovəş kardə: tojədən qıləy təyyorə ki damon, xorək maddon, tib koməkon və oləton şomilin bə Misri Ələriş ayiroport vığandə bıə.
Tırkiyə prezdent ıştə sıxənon dəvomədə de işorə bə ım ki xarıci vəzir iyən çəmə kəşfiyot təşkiloti rəyisi səmtiku muzakirəon cərəyonədəy, Fələstinədə daveon bə məntəğə hevuj peydo kardeyku ıştə niqəronəti elanış kardə.
