Ərdoğan və Həniyyə telefoniyə votımonon
Tırkiyə prezdent, Rəcəb Təyyeb Ərdoğan iyən Həmasi siyosi ofisi sədr İsmail həniyyə Ğəzzə və məntəğə təhəvvulaton prossesi oxonə vəziyəti barədə de yande telefoniyə votımonışon əncom dodən.
Tırkiyə prezdent de NATO Təşkiloti sərkatib Yens Stoltenberq Ğəzzə təhəvvulaton barədə məşvərət kardışone və 2tərəf humanitarə koməkon və insoni həxon kali baxşon darşiyeku vəy qətey barədə votımonışon kardə.
Im telefoniyə votımonədə Ərdoğan bə Stoltenberqi xitob təkidış kardə ki Ğərbi kişvəron nəzə, Ğəzzədə insoni həxon darşiye əlovə bey bois bıə və həmçınin ım ki Ğudsi işğolçiyon oqəteyro, co qlə kişvəron cəhdışon ni bois bəbe ki vey bevəcə nəticəon icod bıbu. əv ijən votışe: ğərb və dınyo umumi fikon bəpe har çəxtə rə dınyo çəşon vədə ım insoniyə fociəon bə oxo rosniyero hərəkəton əncom bıdən.
Bə Anatoli aqentiyəti raporti əsos, Tırkiyə prezdent Rəcəb Təyyeb Ərdoğan de Həmasi siyosi ofisi sədr, İsmail Həniyyə telefoniyə votımonədə votışe: Tırkiyə ıştə həmmə cəhdi əncom dodə ki humanitarə koməkon bə Ğəzzə bırəsi və ım kişvərədə həm Fələstini zəxmin bıə kəson mıolicə bıbun.
Ərdoğan ijəm əlovəş kardə: israil və Fələstini məsələ stabilə hələkəroy ıme ki 1967 marzonədə Fələstini mıstəğilə kişvər icod bıbu.
Oktiyabrə manqi 21 minnə rujədə həm Tırkiyə xarıci vəzir Hakan Feyden Fələstiniku himoyə kardeyro Ğahirə iclosədə votışe: Ankara muxalife ki sionist rejimi səmtiku bə Fələstini milləti ələyh veyə dard iyən ğəm icbor bıbu və bə Ğəzzə koməkon varid beyro, şərt təyin kardey, insoni həxon prinsipon itən beynəlxalğə ğanunon darşiye bə hisob omeydə.
