Putin: Miyonə şərğədə mumkine daveon bə co qılə məntəğəon həm ovoştoniye bıbu

Rusiyə prezdent Veladimir Putin bə Ğəzzə piyə odəmon, hırdənon və jenon coni oqətey təkidış kardə iyən notaş do ki Fələstini muğavimət iyən HƏMASi miyono daveon mumkine bə Miyonə şərği co qılə məntəğəon həm ovoştoniyə bıbu.

Bə İrna raporti əsos ki Royterziku nəğlış kardə, zinə Rusiyədə Putin de muxtəlifə məzhəbon rəhbəron vindemonədə təsdiğış kardə məntəğədə bəpe xun ekardey oqəte bıbu.

Putin ijən de dınyo co qılə rəhbəron telefoniyə təmasədə votışe: ehanə daveon oqəte məbu çəy hevujəti təhdid mevcude.

Bə kremlini sıxənon əsos ki Putini bəyonatonku muntəşir bıə, prezdent əlovəş kardə: ımruj çəmə vey muhimmə məsuliyət xun ekardey iyən xışmqin bey vəy qəteye.

Əv ijən təkidış kardə: ehanə jığo məbu, behroni veyə əlovə bey vey təhdidomiz bəbe həlbətə nə fəğət Miyonə şərğiro bəlkəm mumkine bə dınyo həmmə kişvəorn həm ovoştoniye bıbu.

Putin ijən ğərbiku tənğidış kardə ki kali məxsusə ğıvvon ım daveon əlovə bey və bə co qılə kişvəron ovoştoniye dumoədən.

Rusiyə prezdent ijən təkidış kardə ki Moskva həmçınan Fələstin və israili barədə 2 qılə devləti hələkə royku himoyə kardedə və ım yeqanə dıroz mıddətə hələkə roy bə hisob omeydə.

Əv ijən bə Ğəzzə İsraili həmləon dəvomi səhv zınəşe və votışe: be qınohə millət co kəson hərəkəton məsul nin.