Fələstini millətiku himoyə kardeyədə Tırkiyə İstanbulədə hevujə aksiya

Tırkiyə İstanbulədə Fələstini millətiku himoyə kardey çərçivədə hevujə aksiya bərpo bıə.

Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.

Im əməliyoti cəvobədə sioniston zəif bin və bə Ğəzzə tanqə de həvo və zəmini vositə qıvonə həmləon əncom dodən ki çəy nəticədə tosə ısət, 7 həzo nəfəriku vey şəhid və təğribən 19 həzo nəfər həm zəxmin bıən ki məntəğə və dınyo hevujə aksiya çəy dumoədə be.

Bə İsna raporti əsos, dəvardə rujonədə bə Tırkiyə rəsmi şəxson dəvəti əsos, zinə şənbə rujədə Tırkiyə İstanbulədə bə Ğəzzə sionist rejimi həmləon məhkum kardeyədə, hevujə aksiyaon bərpo bıə.

Aksiyaəkəyon de Tırkiyə və Fələstini pərçəmon bə dast edaştey, Ğəzzə tanqədə bə sionist rejimi həmləon oqətey təkid kardışone iyən bə ım rejimi ləşkəri təcavuzkorə koon şuar dodən.