Azərbaycan R. İyən İroni miyono tojə roy soxteyro Əliyevi icroiyə əmr

Azərbaycan R. Xəbəiyə mənbəon, İron və Azərbaycan R. Miyono tojə roy soxteyro moli mənbəon ixtisos doeyro və Ərəsi ru sə pard icod kardeyku xəbə doşone.

Bə İran Peres aqentiyəti raporti əsos, Horadiz-Ağbənd maqistralku bə İron tojə roy soxtey dəvomi barədə tojə hərəkətonro iyən Ərəsi ru sə pard soxteyro İlham Əliyev icroiyə əmri imzoş kardə.

Aderniyuz nomo xəbəiyə mərkəz ım barədə nıvıştəşe: cəmədə 14 milyon manat (Azərbaycan R. Puli vahid) yəni 8 milyono 200 həzo dollar Azərbaycan R. Prezdenti fundiku bə ım kişvəri təşkilot ki həminə ko əncom doeyro məsule doə bıə ta de İron tojə roy soxtey iyən Ərəsi sə pard icod kardeyro istifodə bıbu.

Bə ım raporti əsos, Azərbaycan R. Moli vəzorətxonə məsul heste ki bə təyin bıə miğdori əsos, lozimə mənbəon təmin bıko.

İjən bə Azərbaycan R. Moli vəzorətxonə əmr bıə ki bə ım icroiyə əmron rabitədə məsələon həl bıko.