İroni xarıci vəzir bə Tırkiyə səfə

Imruj sıb, İron İslom Respublika xarıci vəzir bə Ankara varid bıə.

Bə İrna raporti əsos, İroni xarıci vəzir Huseyn Əmirəbdullahiyan Fələstini təhəvvulaton iyən Ğəzzədə sioniston qenosid  iyən canqi cinoyəton oroxniyey roon barədə de Tırkiyə rəsmi şəxson vindemon iyən votımonış kardə.

Əmirəbdullahioyan bə Ğətər ıştə səfəri bəpeşt iyən de ım kişvər və Həmasi hərəkəti rəhbəron votımon kardey bəpeşt, bə Tırkiyə şə.

Bə Ğəzzə tanqə jimoni vırəon sionist rejimi vəhşiyə həmləon bə 4 minnə befosilə haftə varid bıə iyən bə Fələstini səhiyyə vəzorətxonə elani əsos, tosə ısət 8 həzo 500 nəfəriku vey Fələstinıjon şəhid bıə ki ım miğdoriku nimə məzlum və be mçudafiə hırdənonin.