İron və Rusiyə konsuli mıştərəkə kamissiya iclos bərpo bey

Moskvaədə İron və rusiyə konsuli mıştərəkə kamissiya 8minnə iclos de 2 qılə kişvəri xarıci vəziron konsuli mudiron bərpo bıə.

İron və Rusiyə 2tərəfi baxşonədə xususi iğtisodi, hərbi, əmniyyəti və həmçınin məntəğə və beynəlxalğə məsələon barədə bənə de Amerkə unilateralizm mıştərəkə stratejikə mənafe soybin və ım məsələ dəvardə soronədə 2tərəfə nezə həmkoətion vey muhimmə amilonku be.

Bə Təsnim aqentiyəti raporti əsos, İron və Rusiyə konsuli mıştərəkə 8minnə iclosədə, İron İslom Respublika xarıci vəzorətxonə konsuli mudir, Əlirıza Məhmudi və Rusiyə xarıci vəzorətxonə konsuli mudir, Əleksi Kolimov, konsuli muxtəlifə məsələon iyən mevzoon barədə deyande məşvərət kardışone.

Rusiyədə İroni tranziti roməvon iyən universition tələbəon rabitədə problemon həl kardey, 2 qılə kişvəri varzışi komandaonro viza doey hoston kardey, əcumlə ım iclosədə təğib bıə.