Ərdoğan: Ğəzzədə bə bəşəriyəti ələyh cinoyəti şoydimon

Tırkiyə prezdent elanış kardə: Ğəzzə tanqədə sionist rejim bə bəşəriyəti ələyh cinoyət kardey holədəy.

Oktiyabrə manqi 7 minnə rujiku tosə ısət sionist rejimi vəhşiyə həmləon bə jimoni vırəon həmçınan dəvomış heste və bə Fələstini səhiyyə vəzorətxonə elani əsos, 9 həzoku vey Fələstinıjon şəhid bıən ki çəvonku nimə məzlum iyən be mudafiə hırdənonin.

Oktiyabrə manqi 7ninnə rujiku həm Fələstini mubarizəkəyon sionist rejimi işğolçiyəti və cinoyəton cəvobədə bə ım rejimi ələyh həmmə tərəfiyə cinoyəton binoşon kardə.

Bə Təsnim aqentiyəti raporti əsos, zinə Cımə rujədə Tırkiyə prezdent, Rəcəb Təyyeb Ərdoğan Ğəzaxıstoni paytəxt Astanədə Tırkə kişvəron Təşkiloton yolon iclosədə, bə Ğəzzə tanqə sionist rejimi ləşkəri həmləon dəvomi reaksiyaədə votışe: Oktiyabrə manqi 7 minnə rujiku tosə ısət, Ğəzzə tanqədə bə bəşəriyəti ələyh cinoyəton şoyd hestimon və hiç qılə məno ni ki ım miğdor vəhşiyə koon nışo bıdə.

Rəcəb Təyyeb Ərdoğan ijən bə Ğəzzə tanqə humanitarə koməkon dəvomi təkid iyən əlovəş kardə: Ğəzzədə otəşvast əncom bey iyən sionist rejimi ləşkəri həmləon oqətey çəmə iminnə koonkue.