Ğəzzə təhəvvulaton barədə İron və Rusiyə xarıci vəziron telefoniyə votımon
İron və Rusiyə xarıci vəziron telefoni votımonədə Əəzzə oxonə təhəvvulaton təğib kardey bəpeşt bə sionist rejimi cinoyəton oqətey zərrurət təkid kardışone.
Bə Ğəzzə tanqə jimoni vırəon sionist rejimi vəhşiyə həmləon bə 4 minnə befosilə haftə varid bıə iyən bə Fələstini səhiyyə vəzorətxonə elani əsos, tosə ısət təğribən 9 həzoku vey Fələstinıjon şəhid bıən ki ım miğdoriku nimə məzlum və be mçudafiə hırdənonin iyən 23 həzo nəfəriku vey zəxim bıən.
həminə cəhətədə və bə İran Peres aqentiyəti raporti əsos, Cımə rujədə Rusiyə xarıci vəzir qıləy bəyoniyə ğolibədə İroni xarıci vəzir Huseyn Əmirəbdullahiyan və Rusiyə xarıci vəzir Serqey Lavrofi telefoniyə votımoniku xəbəş do. 2 tərəf ım votımonədə sionist rejimi cinoyəton və məntəğədə ısətnə təhəvvulaton barədə sıhbət kardışone.
Im telefoniyə votımonədə ijən 2 tərəf Ğəzzə tanqədə ısətnə silohinə daveon barədə bə təcili otəşvasti zərrurət və bə ım məntəğə humanitarə koməkon vığandey təkidışon kardə.
