İslam partiya məhbusə rəisi həbsi mıddəti ziyod karde barədə etırozon.

Azərbaycan Respublika siyasi məhbuson vəziyəti nəzorət əkə mərkəz çın kişvəri islam partiya rəisi bə karser vığande hukmi mıddəti ujnən ziyod karde bardə etırozış kardə.

Bə Turan aqentiyəti raporti əsos Azərbaycan Respublika siyasi məhbuson vəziyəti nəzorət əkə mərkəz qıləy bəyoniyə vasitə bə islamçiyon əleyh məxsusən bə Haci Mohsen Səmədovi zidd jıqonə deşmənçiyə hərəkətonış məhkum kardə.

Çın mərkəzi rəis Elşen Həsənev bə Buko hukuməti çandə repressivə hərəkəton ijən islamçiyon və dıvləti muxalifon dəstqir və işkəncə doe və ya xot çəvon həxon ləqv karde işorəş kardə və votışe: Doktor Mohsen Səmədovi 12 sor həbs karde hukm vey nohəxə hukme ki ısət Azərbaycan Respublika hukumət ım dini lideri bə karser vığande xoto ıştə məhkəmə ijən hukumətədə anədə nohəx və nobərobər sistemi vıcudi ifşoş kardedə.

Xəbə omə ki çandə siyasi şəxsiyəton və məşhur odəmon həm bə Azərbaycan Respublika islam partiya məhbusə sədri karserədə həbsi ziyod karde ijən əy bə karser vığande ğərol etırazışon kardə və ım hukmi ləğv bey pidəşone.

Doktor Mohsen Səmədov Marti 19 minə rujiku və fəğət cəmaət nımuji hande xoto 3 ruj bə karser vığande bəy ki ısət ım ğərol bo omə 2 manqiro həm təsdiğ bıə.

Doktor Mohsen Səmədov miladi 2012 soriku Azərbaycan Respublikaədə Həbs ijən qıləy nohəxə məhkəmədə bə 12 sor zindoni məhkum bıə.