İroni səfir bə Tehron və İrəvani həmkoəti hevujəti təkidış kardə

Ermənistonədə bıə İroni İslomi respublika səfir muxtəlifə baxşonədə bə İrəvan və Tehroni həmkoəti hevujəti təkidış kardə.

De diğğət bə İron və Ermənistoni kanə rabitəon, 2 qılə kişvər muxtəlifə baxşonədə mıştərəkə mənafe soybin. de məntəğə daveon və problemon vecudi, ım mısbətə kanəti, muxtəlifə baxşonədə 2 qılə kişvəriro veyə təsirış be.

Bə həminə illət, hamsuyə kişvəron miyonədə və ticori və iğtisodi rabitəonədə, Erməniston de İron vey çokə vırə soybe.

Ermənistonədə İron İslom Respublika səfir, Məhdi Sobhani de Siyovil Net nomo sayti votımonədə bə 2 qılə kişvəri tivori mıbodiləon əlovə bey təkid və əlovəş kardə: İron və Erməniston karde bəznen qazi plan, ruşnə vədə əlovə bıdən.

Sobhani ijən əlovəş kardə: İron və Ermnənistoni miyono qıləy qazi lolə xəti mevcude ki 2 manq çımiku bənav həm qazi vədə ruşnə təvafuğnomə həm ......

Ermənistonədə İroni səfir ıştə umu nışoş do ki dəvardə sorədə, 2 qılə kişvəri ticori mıbodiləon miğdor ki 711 milyon dollar be, ımsor bə 1 milyard dollar bırəsi.

İron, bə Erməniston vey yolə əmtəə ixrocəkəyonku bə hisob omeydə. ijən Ermənistonədə İron, ticori mərkəz həm soybe.