De Fələstini təhəvvulaton mehvəriyət, İron və Rusiyə xarıci vəziron votımon

Zinə şəv, İron İslom Respublika xarıci vəzir huseyn Əmirəbdullahiyan telefoniyə təmasədə de Rusiyə xarıci vəzir Serqey Lavrof, Ğəzzə tanqə və Ğərbi sahilədə təhəvvulaton barədə votımon kardeşe.

Bə İran Peres aqentiyəti raporti əsos, ım telefoniyə vindemonədə Əmirəbdullahiyan de işorə bə molki şəxson ələyh sionist rejimi həmləon əlovəş kardə: Amerkə iddio kardedə canqi oqətey dumoədəy əmmo əmələdə Amerkə-sionisti canqi, hevuj iyən şiddətin kardedə.

İroni xarıci vəzir Ğəzzədə 15 həzoku vey molki şəxson, jen və hırdənon şəhid kardey və çand da nəfər əsiron ğətli-am kardey, sionist rejimi kurə bombardımon və həmləon dəvomi nəticə zınəşe.

Əmirəbdullahiyan Ğəzzə iyən Ğərbi sahiliku Ğəzzə sakinon icburiyə miqranton və ğovmi pok kardey vəy qətey zərruri zınışe və məntəğədə əmniyyət və sulhi bə vırə rosniyeədə bə Rusiyə vey əktivə roli təkid və əlovəş kardə: be şək muğavimət, oxonə nəticə icod bəkay.

Rusiyə xarıci vəzir ijən de həmləon oqətey, sionist rejimi muxalifətonku ıştə məyusəti nışoş do. Serqey Lavrof əsiron ozod kardey iyən canqi oqəteyro bə məşvərəton dəvomi təkidış kardə.

2 tərəf ijən kali 2tərəfiyə mevzuon təğib kardışone.