Ğəzzədə təcili otəşvəsi icod kardeyro BRİKS-i yolon tələb

Zinə Seşəmbə, BRİKS-i qrup kişvəron yolon ıştə oxonə bəyoniyədə, Ğəzzədə təcili otəşvbasti icod kardey tələb kardışone.

Bə İran Peres aqentiyəti raporti əsos, BRİKS-i qrupi kişvəron yolon iclosi oxonə bəyoniyədə omə: əmə humanitarə, stabil iyən ğoymə təcili otəşvəsi icod kardey tələbımon heste ki bə İMT prinsipon iyən beynəlxalğə prinsipon əsos bıbu və  Ğəzzə tanqədə əmniyyət və sulh icos kardey iyən deşmənion oqətey bois bıbu.

Im bəyoniyədə BRİKS-i qrupi kişvəron yolon bə beynəlxalğə standardon əsos, Ğəzzə tanqədə canqi cinoyəton barədə, mıstəğil iyən ruşinə təhğiğaton əncom doey tələb iyən təkid kardışone: insoni bevəcə vəziyət, xususi Ğəzzə tanqədə ijən işğol bıə Fələstini co qılə məntəğəon niqəronətion boisəkəy.

Oxoədə BRİKS-i qrupi kişvəron yolon de Fələstini milləti ıştə sərzəminiku hacurnə fərdi və cəmi icbori miqranton məhkum və təkid kardışone: Fələstin iyən sionist rejimi miyono canqi məsələ daim və bə ədoləti əsos həl kardey fəğət de sulhomizə əbzaron mumkine.

Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.

Bə Ğəzzə səhiyyə vəzorətxonə statestikaon əsos, sionist rejimi həmləon dumoədə, Ğəzzə şəhidon miğdor, 14 həzoku vey əlovə bıə ki ım miğdoriku vey jenon və hırdənonin. molki şahrvandon ğətli-am kardey və sioniston cinoyəton xəbəon nışo doeyədə ğərbi mediyaon be meyli dınyo tənğidon icodış kardə.