Erməniston: bə hiç qılə kişvəri həmlə kardeyro brnoməmon ni

Çoşəmbə rujədə Ermənistoni parlamenti sədr votışe: İrəvan bə co qılə kişvəron həmlə kardeyro hiç bərnoməş ni və ım barədə Buko iddio duə sıxəne.

30 sor bəbe ki Erməniston və Azərbaycan R. bə bandiyə Ğərəboği məntəğə deyande davışon heste. Sentiyabrə manqədə, Azərbaycan R. ıştə məntəğə obəqardeyro əməliyotoni əncomış do.

Bə Armen Peres aqentiyəti raporti əsos, Ermənistoni parlamenti sədr, Alen Simoniyan İrəvan silohon hıryeyku, Azərbaycan R. no rozi bey barədə votışe ki qıləy holədə Buko Ermənistoni mudafiə hıryeyku şikoyətış heste ki ıştə bə ım silohon hırye dəvom dodə.

Simoniyan ijən əlovəş kardə: Erməniston çand qılə zırıhinə maşin hıryəşe və Azərbaycan R. şikoyət kardedə və ım qıləy holədəy ki Buko həmmə çi soybe ğərəz atom siloh və cəhd kardedə bə həmmə dınyo nışo bıdə ki E rməniston siloh bey holədəy, boçi ki həmləro hiç bərnoməş ni.

Ermənistoni parlamenti sədr ijən votışe: dınyo ictima ımruj bəpe bə ım həğiğət təmərkoz bıko ki Azərbaycan R. çand milyard dollar siloh hıryedə və ım soal icod bəbe ki Buko ım həmmə silohon bo çi  hıryedə?