Paşiniyan: bo əsiron ozod kardey de Azərbaycan R. sazış kardey hozzom

Ermənistoni iminnə vəzir, Nikol Paşiniyan bə “həmmə, həmmə vədə” prinsipi əsos, de Azərbaycan R. əsiron mıbodilə kardeyro ıştə kişvəri hozzoətiku xəbəş do.

Bə İrna cımə ruji raporti əsos, ki Niyoz M aqentiyətiku xəbəş do, Ermənistoni iminnə vəzir, Azərbaycan R. ədə Ermənion əsir bey mevzu, ıştə kişvəri diğğətinə mevzu zınəşe və votışe: az norohətim ki ım humanitarə mevzuku siyosi hədəfonro istifodə bəbe. əmə ım mevzuədə balansi cəhəto, ıştə hozzoəti nışomon do iyən ıştə zindoniyon obəqardeyro de Azərbaycan R. Həmkoətiro hozzo hestimon. Muzakirə ım problemi hələkə roonku qıləyni bə hisob omeydə.

Əv peşo Azərbaycani məhkum bıə kəson oqardey iyən əvoni de Erməni əsiron mubadilə kardey barədə votışe: bə həmmə, həmmə vədə prinsipi əsos, əmə ım ko əncom doeyro hozzoimon.

Ermənistoni iminnə vəzir ijən əlovəş kardə: Milodi 2020 minnə soriku təsə ısət, 100  nəfəriku vey Erməni Azərbaycan R. əsirətiku ozod bıən.